MATRIX


    جربت قبل كده تاخد نفسك ف حضنك .

    شاطر
    avatar
    mido mod
    Admin

    ذكر
    عدد الرسائل : 299
    العمر : 27
    البلد : tanta
    تاريخ التسجيل : 23/06/2008

    جربت قبل كده تاخد نفسك ف حضنك .

    مُساهمة  mido mod في الإثنين أغسطس 04, 2008 4:59 am


    جربت قبل كده تاخد نفسك جوه حضنك وتضمها وتطبطب عليها ..
    ساعات كتير بتحس انك عايز حد يكون جنبك .. يشوف دموعك وتضعف أدامه مش مشكلة
    بس تحس انك مرتاح . وساعات تدور ومتلاقيش حد ..
    ساعتها جرب كده تاخد نفسك جوه حضنك .. يااااااااااه
    مش هاقدر أوصفلك غير انك عمرك ما هتحس بالامان والراحة أد ما هتحسهم ف اللحظة العبقرية دي
    ممكن تكون حكاية صعبة وكتير بيقولوا دلوقتي اني مجنونة..
    بس انا فعلا باتكلم وأقصد المعني الحرفي للكلمة
    بس هتحتاج تشغل خيالك شويتين كده ولازم الاول تكون متصالح مع نفسك
    مش شرط سعيد بيها أو راضي عن كل حاجة بتعملها لأن ده صعب شوية
    لكن أقصد انك لازم تكون عارف كل حاجة عن نفسك أول بأول وحاكيلها علي كل حاجة انت بتحس بيها
    محدش يستغرب .. ويقول كل واحد عارف نفسه ..
    لأ مش للدرجة اللي انتوا متخيلينها دي . ايه المشكلة يعني انت ونفسك تكونوا أصحاب بجد
    تحكوا لبعض كل حاجة وتتناقشوا ف كل حاجة
    يعني مثلا لما تحس بأي حاجة .. تقول جواك الاحساس ده وتحكيه وتناقشه
    هتحس انك قادر تتغلب عليه .. لاننا ساعات بنحس بحاجات ومش بنقدر نتغلب عليها
    يعني لو احساس فرح وحاسس انك مش قادر تسيطر عليه هتحس بعدها انه لذيذ أكتر
    ولو - لا قدر الله - احساس حزن هتحس بعدها انك مرتاح اكتر وهتخفف عن نفسك
    وقتها بس هتحس انك انت ونفسك أصحاب اوي ..
    مش بقول تحبوا نفسكم لان دي جاجة مش لذيذة .. لكن بقول تكونوا واحد واصحاب
    تخيل بالظبط انك بتحضن نفسك وبتخفف ألمها وبتقولها : " متزعليش .. انا جنبك أكتر من أي حد "


    --------------------

      الوقت/التاريخ الآن هو الإثنين أكتوبر 23, 2017 5:44 am